同一個活動，你是義工亦是受惠者。
「曾經有20位初中學生參加視像探訪，做debriefing（解說）𠴱時大家都好投入講自己感受同分享，之後仲寄心意卡去中心，希望我哋轉交到老友記手上。我好記得有一位中學生希望我哋多謝一位老友記彈ukulele畀佢聽，因為佢喺老友記身上得到music passion（對音樂的熱情）。」
義工服務從來不是單向，反而是where you can give and gain。這位中學生與老友記的視像對話，到底誰探誰呢？
「值得我哋反思嘅係大家構思義工活動時，係要回應大家嘅需要！唔單只考慮服務對象，仲要諗義工方面會唔會參加，唔可以淨係自己覺得『得！』就做。」
循道衛理中心安老院舍外展專業服務副經理施曉茵姑娘（註冊社工）向社職說出她過去一年最深的體會。疫情肆虐，香港市民的生活模式被迫轉變，不少行業要轉型求存，甚至暫停營業。社會服務亦不例外，施姑娘所屬的外展服務更是首當其衝。
目前，循道衛理中心安老院舍外展專業服務總共服務86間私營安老院舍（由灣仔區至東區），不但有社工及治療師組成的專業團隊親身到安老院提供社工支援及治療服務之外，更不時與義工或其他團體合辦活動，為長者送上歡樂和關懷。
「因為疫情所有嘢都要停，點算？」施姑娘形容當時整個團體得知外展服務要全面停止時的即時反應。但始終大家總不能閒著，施姑娘及同事決定嘗試視像探訪，成為循道衛理中心首個部門試行在家義工。
「其實早喺2020年4月安老院唔准家屬探訪，中心已經諗緊方法做足準備。咁啱當時醫院試緊tele睇診（遠距診症），加上中心同事亦要work from home（在家工作），所以我哋相信在家義工係可行，於是決定試做視像探訪。」
疫情發展非預期，不久就爆發老人院群組。安老院全面禁止外人探訪，連社工及治療師都不准進入院舍範圍。施姑娘只好拜託院舍員工幫忙操作平版電腦，繼續進行視像探訪，盡力為老友記提供服務。
施姑娘回想當時的無奈：「當時情況好嚴重，每間院舍都有好多緊急措施要處理，未必可以顧及院友嘅社交需要。加上技術問題，最初能夠協助視像探訪嘅院舍數目，5隻手指數得晒！」
面對院舍禁訪無了期，整個活動又極之需要院舍員工使用平版電腦協助老友記進行視像對話，中心需要想辦法令院舍員工快速上手，解決技術操作問題。
「當時機構需要work from home，我哋自己都要學用Zoom！就決定製作一份使用手冊，可以畀埋院舍員工學用Zoom同iPad。」
施姑娘指出視像探訪和親身探訪有很大分別，後者至少讓你直接見到對方的表情及動作，但視像探訪就有很多限制。
「視像探訪嘅聲音受網絡所限，有時會出現延遲情況。義工需要講慢啲、逐句講，等老友記回應咗，你先講下一句，仲要小心環境聲太嘈，影響收音。」
眼見視像探訪有很多細節需要注意，施姑娘和同事再製作一份「溝通技巧視像版Training」，協助義工適應新探訪模式。
「唔係個個老友記都鍾意視像探訪，有啲甚至會抗拒。但可能義工好投入，老友記開始態度軟化，願意開放自己去接受，有啲仲會問義工幾時再探佢！」求變成功之外，令施姑娘團隊最開心的就是看見義工與老友記成功建立「隔離」友誼。
「曾經有20位初中學生參加視像探訪，做debriefing（解說）𠴱時大家都好投入講自己感受同分享，之後仲寄心意卡去中心，希望我哋轉交到老友記手上。我好記得有一位中學生希望我哋多謝一位老友記彈ukulele畀佢聽，因為佢喺老友記身上得到music passion（對音樂的熱情）。」
義工服務從來不是單向，反而是where you can give and gain。這位中學生與老友記的視像對話，到底誰探誰呢？
「其實市民冇因為疫情影響而唔做義工，只係唔想出街，大家都唔知可以點，可以喺屋企做咩義工呢？值得我哋反思嘅係大家構思義工活動嗰時，係要回應大家嘅需要！唔單只考慮服務對象，仲要諗義工方面，唔可以淨係自己覺得『得！』就做。」
施姑娘更認為義工服務多元化是必然，將來只會越來越多活動需要義工幫手。面對無止境的義工招募，她認為就算機構本身有自己的義工團隊，都需要從不同渠道去招募更多義工。
「多謝社職平台，呢到我哋可以接觸到好多年青人、大學生同大專生幫手！未有視像活動之前，我哋已經透過社職搵義工。今次在家義工，社職亦幫我哋吸納好多新義工。始終而家後生仔咩都上網登記，唔會去中心睇poster再上去報名啦！」
訪問裡，施姑娘多次強調今次是一個很好的體驗，他們成功執行當初的構思，絕對鼓勵同事日後繼續構思創新項目。
「要與時並進就需要轉變，我哋成日講創新，一直希望有突破！」施姑娘及一眾同事都認為今次求變成功，代表義工服務模式還有很多可能性。雖然，目前視像探訪只限於一對一，但他們正密謀籌備一個可以容納好多老友記、充滿互動性的網上視像活動。
「早前有班小學生幫手做一個互動視像活動，為院舍長者表演、帶領做運動、玩估歌仔同派禮物，反應相當唔錯！所以，我哋想搞視像音樂表演，可以畀老友記online點歌，好似一個直播音樂節目咁！」
就算無他們的「溝通技巧視像版Training」指引，筆者「隔著個Mon」都感受到施姑娘對這個直播音樂活動的那份熱情和期待。
訪問後一個月，他們終於舉行首個視像音樂表演 DeliverMusic。施姑娘表示技術上有很多地方要改善，但有老友記的支持鼓勵下，DeliverMusic會一直進步；同時亦希望可以招募到更多義工，幫手將音樂送到其他院舍，於疫情之下依然為老友記帶來歡樂。
（首個DeliverMusic影片：https://fb.watch/5CW1Y6xJxQ/）
社職祝循道衛理中心DeliverMusic繼續Good Show！
了解更多：
循道衛理中心 - 長者及健康服務義務工作服務中心
相片由循道衛理中心安老院舍外展專業服務中提供。
延伸閱讀：
%20(1).png)
