%20The%20Jane%20Goodall%20Institute%20Hong%20Kong.png)
對於細規模的非牟利機構（NGO），如何善用資源去提升活動成效是其中一大挑戰。
「因為我哋想知道受眾需要，例如年齡、佢哋適合咩環保活動，令我哋可以為佢哋設計出一啲較創新嘅活動，更切合佢哋嘅需要。」－珍古德協會（香港） 項目總監謝子峯先生
%E9%A0%85%E7%9B%AE%E7%B8%BD%E7%9B%A3.png)
首次到訪珍古德協會（香港） 新辦公室，項目總監謝子峯先生（Tony）和兩位同事忙於安置活動物資，盡力騰空位置供拍攝用途。
「唔好意思，地方淺窄。我哋係比較多活動物資，雖然而家少用……」
作為一間環保機構，珍古德協會（香港）不時舉行外展活動，親身帶領參加者參與各種環保活動，藉此推動環境保護工作。但受疫情影響，與其他非牟利機構一樣，盡量都減少外展活動。
回想機構的歷史，Tony即時提及珍古德協會（Jane Goodall）創辦人－英國靈長類動物學家Dr. Jane Goodall（珍古德博士）。她於1977年創立珍古德協會（Jane Goodall），希望推動野生動物保育和環境保護工作。而現在的香港分會－珍古德協會（香港）則在2002年成立，主要關注議題有塑膠污染、生物多樣性和氣候變化，並透過不同的環保項目，培訓青少年成為可持續發展領袖。
「呢啲年青人多數嚟自大專同中學，因為佢哋有一定嘅知識，面對公眾人士會唔怕羞，比較主動。而最新發展方向係家庭受眾，我哋做家庭教育係希望透過小朋友影響家長，而小朋友嘅行為亦可以影響公眾人士。」
.png)
當機構的主要服務受眾和義工都屬於「後生仔」一群，Tony亦主力於網上進行招募和宣傳。
「2017年開始使用社職，起初係為短期活動招募義工，例如展覽同2018年Dr. Jane嚟香港，都希望有義工幫手。慢慢就發展到招募參加者，（參與）一啲大使培訓工作。」
Tony認為社職平台上匯集了不同的NGO和不同背景的市民，對珍古德協會（香港）而言，他們可以接觸到更多市民。
「以前單靠機構嘅Facebook所做嘅活動宣傳，我哋未必可以接觸到呢班受眾。我哋相信社職平台可以匯集到唔同嘅熱心義工，可以長久服務嘅義工，所以我哋希望可以喺呢個平台招募大使，經培訓後走入社區宣傳環保訊息。」
%20%E6%95%B8%E7%A2%BC%E8%BD%89%E5%9E%8B.png)
大數據年代，Tony相信數據所帶來的價值。
對於珍古德協會（香港）社職App取代了他們一直沿用的Google Form，方便市民報名參加活動之外，並連接非牟利機構持份者關係管理（簡稱SRM）系統，記錄所有活動與參加者資料。
「數碼轉型可以幫我哋幾方面。第一係數據收集，因為我哋想知道受眾需要，例如年齡、佢哋適合咩環保活動，令我哋可以為佢哋設計出一啲較創新嘅活動，更切合佢哋嘅需要。」
而SRM的各種管理亦有助他們減省一些行政程序。
「過往有啲行政程序比較繁複，導致有啲活動同計劃難以推行，透過數碼轉型去簡化一啲行政程序，可以更加快推行活動，令更多人知道我哋嘅服務。」
完成訪問後，拍攝同事為Tony和兩位同事影張合照留念。他們除了穿著機構Tee之外，其中一位同事更抱著一隻「猩猩」公仔走到鏡頭前表示：「佢（抱著公仔）應該代表到我哋Jane Goodall！」
%E5%93%A1%E5%B7%A5.png)
珍古德協會（香港）The Jane Goodall Institute Hong Kong 官方網頁
珍古德協會（香港）The Jane Goodall Institute Hong Kong Facebook
珍古德協會（香港）The Jane Goodall Institute Hong Kong Instagram
%20(1).png)
