今個聖誕，戴住VR遊世界！

日本唔會嫌多，睇埋維京戰爭夠爆

呢幾年，大家都悶喇……尤其聖誕長假將近，相信各位都不禁都Instagram或Facebook throwback，諗起「想當年」已經飛咗去邊了！雖然現實容許大家可以飛，不過返香港要隔離就避無可避，仲要額外畀多筆，你捨唔捨得先？

‍

日日throwback？不如試下體驗VR遊世界！

社職私心分享幾條VR YouTube Channel，分別有日本、戶外景及國家地理雜誌，等你可以戴住VR（Virtual Reality）眼鏡遊歷各地，體驗猶如身歷其境嘅震撼感受！

一齊返鄉下日本睇靚景

日本，絕對係大部分港人最鍾意嘅旅行地方，唔少人都要每年返鄉下Shopping，但而家想飛一轉都難，皆因日本不時因應疫情嘅嚴重性而更改入境措施。不過你可以喺VR幫助下，一解思鄉之情。

‍

Walking Japan 360 係拍攝日本VR影片嘅YouTube頻道，大至旅遊勝地，小至民居小巷都一一記錄低。透過影片，你更可能會發掘到日本五光十色下平靜樸素嘅一面，體驗一次特別嘅深度遊。

‍

一齊Chill！自然和寧靜

行山，最近成為唔少香港人嘅新興趣，暫時忘記都市嘅忙碌同煩躁，感受自然帶嚟嘅安靜。但係大家都去行山，山頭仲逼過地鐵，仲噪過街市，隨時壓力仲大！

今次就向你推薦4K Relaxation Channel ，有大量自然美景嘅VR影片，影片時長較長，傾聽大自然，看完會令人放鬆身心。呢個頻道仲有啲唔需要VR設備嘅影片㗎！

‍

國家地理雜誌

國家地理雜誌都有唔少生態VR影片，可以等你近距離望住野生動物！

‍

亦不乏特別嘅VR片，例如微型紀錄片Viking Battle ，考古維京人嘅文化風俗和還原其戰爭場面，戴埋VR眼鏡，敢講觀賞體驗非常震撼！

‍

當然YouTube上嘅VR影片點止咁少，一齊發掘更多影片啦。

VR設備有平有貴！不如用消費券入手一部，作為疫情中生活嘅調節劑，畀生活多一種樂趣。

‍

其他樂趣推介：>> 社職應用程式 << 大把網上體驗任你揀！