九龍好去處 x 香港一日遊

社職文化系列之18區Chill Chill

第三回：九龍一日遊

>> 新界一日遊 <<｜>> 港島一日遊 <<｜>> 九龍一日遊 <<｜>> 離島好去處 <<

今回到九龍一日遊！總共建議5條九龍區路線畀你參考，適合所有香港人慢步放鬆，繼續認識下香港靚景同文化，GO GO GO！

‍

黃大仙一日遊－舊式香港與走入園林

彩虹邨打卡都打到悶啦！難得去舊邨，點解唔去舊式餐廳同士多幫襯一下呢？呢啲懷舊士多買少見少，如果你old enough，不妨試下尋寶，睇下搵唔搵得返童年回憶，買返堆無益但好好味嘅零食呢？呢區亦都適合大家陪老人家一齊嚟，因為有一個戶外地方夠靜、夠綠又好行！仲有位飲啖茶、食個包。

‍

想知點去以上黃大仙好去處－

Desktop用戶－手機掃QR CODE：

手機用戶－點擊以下連結：

>> 黃大仙 Chill 路線 Click Here <<

‍

九龍城一日遊－去轉小泰國

而家港鐵宋皇臺站直達九龍城，相信有更多香港市民會到「小泰國」九龍城一邊食一邊買，重拾久違嘅泰國味道，特別係泰國菜、泰式奶茶同埋泰式按摩。唔想淨係「泰」好味？你可以走入九龍寨城公園（一個曾經係「三不管」嘅地方）參加導賞團，了解呢個寨城過去同今日有咩唔同。

‍

想知點去以上九龍城好去處－

Desktop用戶－手機掃QR CODE：

手機用戶－點擊以下連結：

>> 九龍城 Chill 路線 Click Here <<

‍

旺角一日遊－今次不再MK

旺中依舊，係咪代表去旺角嘅人就係MK？符號學上，的確有好多討論空間；不過旺角唔只得旺中，仲有一條復古味極濃嘅「上海街」，各位可以喺舊式唐樓裡面行街Shopping。連本地著名Vintage Coffee Shop都登陸旺角，估唔到MK都可以呈現舊香港一面。

‍

想知點去以上旺角好去處－

Desktop用戶－手機掃QR CODE：

手機用戶－點擊以下連結：

>> 旺角 Chill 路線 Click Here <<

‍

深水埗一日遊－玩盡日與夜

「唔洗去深水埗，唔洗上淘寶！」，仲有而家去深水埗又唔一定要狂飲咖啡嘅……你依然可以喺到買手作仔配件，例如珠仔、皮革、布料、睇下遊戲機電腦、去個鴨寮街執下荀嘢、再轉身去西九龍食盒龍鬚糖。但係社職話你知，深水埗仲好多嘢玩，包括室內遊戲場、充滿異國風情嘅餐廳、打卡美景同埋特色小店，大把精品（包括Made In Japan）等你睇，不時仲有展覽！

‍

想知點去以上深水埗好去處－

Desktop用戶－手機掃QR CODE：

手機用戶－點擊以下連結：

>> 深水埗 Chill 路線 Click Here <<

‍

觀塘一日遊－返工逃離唔到咪去減壓

觀塘返工壓力大，如果你一時三刻逃離唔到，不如原區去玩減下壓！先推介一個VR體驗館，可以叫埋同事、朋友、成家人一齊去玩VR遊戲，玩Game玩到Team-Kill都唔怕！玩完Game，順道去食餐台灣嘢，再漫步海濱，夠晒Relax。

‍

想知點去以上觀塘好去處－

Desktop用戶－手機掃QR CODE：

手機用戶－點擊以下連結：

>> 觀塘 Chill 路線 Click Here <<

‍

‍

18區Chill Chill 一日遊路線補充

• 路線規劃之行程由義工協助進行搜集，並非任何商業宣傳
• 路線規劃之行程只為建議路線，參加者可按照心情自行更改路線或行程

‍

‍

其他社職文化系列

>> 18區Chill Chill－離島好去處推介

>> 18區Chill Chill－新界一日遊路線推介

>> 18區Chill CHill－港島一日遊路線推介

>> 宗教放題－香港廟宇一日遊

>> 宗教放題－本地佛寺及教堂一日遊

‍

‍